Турнір знаўцаў народнай мудрасці “Народ скажа як звяжа…” (беларускі чацвер 16.11. 2023 г.)

Дата публикации: 16 ноября 2023

16 лістапада 2023 года ў межах беларускага чацвярга сярод вучняў 5 “Б” класа дзяржаўнай установы адукацыі “Сярэдняя школа №40 г. Магілёва” быў праведзены турнір знаўцаў народнай мудрасці “Народ скажа як звяжа…”.

Мэта дадзенага мерапрыемства —  пашырыць у вучняў уяўленне пра вусную народную творчасць на матэрыяле прыказак, стварыць умовы для выхавання пачуцця гонару ў юных грамадзян нашай краіны за нацыянальную духоўную спадчыну.

Гульня складалася з чатырох тураў, а вучні падзяліліся на дзве каманды —  “Васілёк” і “Рамонак”. Пяцікласнікі практыкаваліся суадносіць прыказкі з жыццёвымі сітуацыямі, разумець сэнс трапных народных выслоўяў. Цікава было даведацца, якія існуюць адпаведнікі нашым словам і прыказкам у мовах іншых нацыянальнасцей, і найперш — у рускай мове.

Турнір накіраваны на развіццё эўрыстычнай, мнематычнай і лінгвістычных здольнасцяў вучняў праз уменне спасцігаць пераносны сэнс народных выслоўяў. Акрамя таго, такая форма працы дазваляе развіваць маўленчыя ўменні і вербальныя здольнасці праз спасціжэнне адметнасцяў беларускіх народных афарызмаў. Падчас выканання заданняў выпрацоўваюцца пошукавыя навыкі лінгвістычных эквівалентаў ці аналагаў з іншых моў, найперш з блізкароднаснай —  рускай; абуджаецца імкненне авалодаць фальклорнымі скарбамі і кіравацца ў жыцці і паводзінах мудрымі народнымі парадамі.

Дадзенае мерапрыемства пазітыўна ўплывае  не толькі на ўдасканаленне маўленчых здольнасцяў вучняў, але і спрыяе жаданню дзяцей кіравацца народнай мудрасцю ў паўсядзённым жыцуцці.

Яўгенія Нікіценка,

настаўнік беларускай мовы і літаратуры