Літаратурная вечарына “Шматгранны талент Ніла Гілевіча” (беларускі чацвер 23.09.2021 г.)

Дата публикации: 23 сентября 2021

23 верасня 2021 года васьмікласнікі дзяржаўнай установы адукацыі “Сярэдняя школа № 40 г. Магілёва” сталі ўдзельнікамі літаратурнай вечарыны“Шматгранны талент Ніла Гілевіча”, прысвечанай 90-годдзю з дня нараджэння вядомага беларускага паэта.

Вучні даведаліся пра новыя звесткі з  біяграфіі майстра паэтычнага радка, успомнілі вершы, якія вывучалі раней, выразна на памяць прачыталі гумарыстычныя вершы, праслухалі вершы, прысвечаныя маці, роднаму слову, роднай краіне. Выклікала цікавасць у школьнікаў і праслухоўванне песень на словы паэта.

Прагляд відэароліка з выступленнем самаго Ніла Гілевіча спрыяў асэнсаванаму ўсведамленню асобы аўтара.

Пазакласнае мерапрыемства  дазволіла дзецям глыбей адчуць прыгажосць роднага слова і асэнсаваць паэтычнае майстэрства Ніла Гілевіча.

Таццяна Самарцава,

настаўнік беларускай мовы і літаратуры