Гульня-конкурс “Ведай і любі родную мову!” (беларускі чацвер 11. 11. 2021 г.)

Дата публикации: 11 ноября 2021

11 лістапада 2021 года ў рамках адзінага дня беларускага маўлення сярод вучняў сёмых класаў дзяржаўнай установы адукацыі  “Сярэдняя школа № 40 г. Магілёва” была праведзена гульня “Ведай і любі родную мову!”

Удзельнікі гульні замянялі фразеалагізмы адным словам, суадносілі пачатак і канец прыказак, узнавілі веды пра сваяцкія адносіны, знаходзілі “чужога” сярод сваіх, падбіралі сінонімы да слоў, давялося нават успомніць назвы беларускіх страў, а дакладней “не з’есці лішняга”.

Былі падрыхтаваны  пытанні і для балельшчыкаў, якім прыйшлося праявіць кемлівасць. Прага да ведаў і добры настрой аб’ядналі ўсіх прысутных.

Таццяна Самарцава,

настаўнік беларускай мовы і літаратуры