“Гучыць паэзія ў душы” (беларускі чацвер 29.11.2018)

Дата публикации: 29 ноября 2018

“Гучыць паэзія ў душы”

(літаратурная гасцёўня, прысвечаная

70-годдзю з дня нараджэння

Яўгеніі Янішчыц)

                                                                   Жыццё, нібыта геніяльны верш,

                                                      Кароткае, і ў вершы ты жывеш,

                                                           Які ты нам, вясёлым, прысвячала,

                                                       Нібыта з неба зорку даставала,

                                                         Каб, без цябе застаўшыся адны,

                                                                 Праз ноч змаглі дайсці мы да вясны,

Дзе зразумець, што ластаўка ў палёце,

Як водсветы агню ў анёльскім лёдзе…

Віктар Шніп “Балада Яўгеніі Янішчыц”

         29 лістапада 2018 года ў дзяржаўнай установе адукацыі “Сярэдняя школа №40 г. Магілёва” ў рамках адзінага дня беларускага маўлення для вучняў 10 “А” класа прайшла літаратурная гасцёўня “Гучыць паэзія ў душы”, прысвечаная 70-годдзю з дня нараджэння Яўгеніі Янішчыц.

Дзесяцікласнікі пазнаёміліся з асноўнымі тэмамі творчасці паэткі, праслухалі яе вершы, прагледзелі відэаролік, прысвечаны асноўным вехам яе жыццёвага шляху.

         Яркі і кароткі, як палет ластаўкі, лёс паэткі не пакінуў абыякавымі вучняў. Пасля правядзення мерапрыемства яны выказалі свае меркаванні наконт пачутага і ўбачанага. Выказваючы свае думкі, дзесяцікласнікі сышліся ў адным: Яўгенія Янішчыц – паэтка са сваім асаблівым светапоглядам, яе імя засталося ў памяці, у сэрцах паклоннікаў яе таленту, у легендзе…

Наталля Цімафеенка,

настаўнік беларускай мовы і літаратуры