Гульня- віктарына «Старонка мая дарагая» (беларускі чацвер 22.09.2022 г)

Дата публикации: 22 сентября 2022

Кожны чалавек любіць сваю малую радзіму. Раней казалі: «Дурная тая птушка, якой сваё гняздо не міла».

22 верасня 2022 года ў групе падоўжанага дня №5 дзяржаўнай установы адукацыі прайшла  гульня- віктарына  «Старонка мая дарагая».

Хлопчыкі і дзяўчынкі падзяліліся на каманды  «Вожыкі»,  «Вавёркі», «Зубры», «Медзведзяняты», «Тыгры» і «Лісяняты». У час  гульні  малодшыя школьнікі   прадэманстравалі свае веды пра Беларусь, пра беларусаў, пра іх традыцыі і звычаі, пра сваю малую радзіму, разважалі пра тое, чаму краіну, у якой яны жывуць,  называюць «зямлёю пад белымі крыламі».   Вучні з цікавасцю слухалі настаўніка, актыўна адказвалі на пытаннi віктарыны. Перамогу атрымалі  «Зубры». Не дарма гэта самы моцны звер Беларусі.

Мерапрыемства садзейнічала выхаванню ў вучняў цікавасці да выдатных мясцін Беларусі  і малой радзімы, а таксама развіццю пазнавальнага інтарэсу, назіральнасці, памяці, звязнага маўлення.

Іна Троц,

выхавацель групы падоўжанага дня №5