Турнір знаўцаў роднай мовы “Паўтараем, на роднай мове размаўляем!” (беларускі чацвер 27.01.2022 г.)

Дата публикации: 28 января 2022

                                                                                   Адчыніце дзверы, людцы,

                                                                            Адусюль хай далятае:

                                                                                  Словы родныя куюцца…

Кросны родныя снуюцца…

                                                                                  Песні родныя пяюцца…

                                                   Мова,

                                                   Мова

                                                           Нас вітае.

Вольга Куртаніч

27 студзеня 2022 года  вучні дзявятых  класаў дзяржаўнай установы адукацыі “Сярэдняя школа №40 г. Магілёва” прынялі ўдзел у турніры знаўцаў роднай мовы «Паўтараем, на роднай мове размаўляем!»

Дзевяцікласнікам  было прапанавана здзейсніць падарожжа ў гісторыю нашай мовы і знайсці адказы на пытанні:  “Хто мы, беларусы?”, “Чым слаўныя ў свеце?”, “Адкуль нашы карані?”, “Якая ў нас фальклорная спадчына?”.

Мерапрыемства спрыяла пашырэнню ведаў вучняў пра родны край, беларускую мову і літаратуру; узбагаціла слоўнікавы запас дзевяцікласнікаў; садзейнічала выхаванню пачуцця  калектывізму, павагі да суперніка.

Таццяна Ганчарова,

настаўнік беларускай літаратуры